Košarkaši Čikaga pobijedili su sinoć Denver 129:119 i ostvarili treću uzastopnu pobjedu u NBA ligi.
Crnogorski reprezentativac Nikola Vučević je na terenu proveo 29 minuta i za to vrijeme ubacio 13 poena, a imao i osam skokova. Bulse je do trijumfa predvodio Kobi Vajt sa 37 poena, a Džoš Gidi postigao je 26 uz devet asistencija i sedam skokova. Džejlen Smit i Dejlen Teri dodali su po 14 poena.
Za Denver nije igrao Nikola Jokić, koji je propustio petu uzastopnu utakmicu zbog povrede lijevog skočnog zgloba. Najefikasniji u ekipi bili su Džamal Marej sa 28 poena uz sedam asistencija i pet skokova i Pejton Votson sa 24 poena uz šest skokova.
Kristijan Braun dodao je 18 poena, Majkl Porter 16, Rasel Vestbruk 14 poena, 10 skokova i pet asistencija, a Deandre Džordan 10 poena, 17 skokova i sedam asistencija. U timu nije bilo Arona Gordona zbog povrede lista.
Košarkaši Finiksa pobijedili su Milvoki 108:106, košem Devina Bukera 1,7 sekundi prije kraja uakmice. Buker je utakmicu završio sa 19 poena, 12 asistencija i sedam skokova, a najefikasniji u ekipi bio je Kevin Durent sa 38 poena, osam skokova i pet asistencija.
Četvrtoj uzastopnoj pobjedi Sansa Rajan Dan doprinio je sa 12 poena i devet skokova, a Nik Ričards sa 10 poena i 10 skokova.
Košarkaši Orlanda pobijedili su Los Anđeles Lejkerse 118:106 i nanijeli im treći uzastopni poraz. Orlando su predvodili Franc Vagner sa 32 poena, devet asistencija i pet skokova i Paolo Bankero sa 30 poena i sedam skokova. Entoni Blek postigao je 17 poena, šest asistencija i pet skokova, a Vendel Karter 12 poena i osam skokova.
U ekipi iz Los Anđelesa, koja je izgubila sedmi put u posljednjih 10 utakmica, najefikasniji je bio Luka Dončić sa 32 poena, uz sedam skokova i sedam asistencija. Lebron Džejms postigao je 24 poena, uz sedam asistencija i šest skokova, a Ostin Rivs 18 poena, šest skokova i četiri asistencije.
Košarkaši Bostona pobijedili su Sakramento 113:95 i zabilježili šestu uzastopnu pobjedu. Aktuelne šampione predvodio je Džejson Tejtum sa 25 poena, osam asistencija i sedam skokova, prije nego što je napustio teren krajem treće četvrtine posle grubog faula Domantasa Sabonisa.
Nakon što je postigao petu trojku na utakmici, Tejtum je fauliran i nekoliko trenutaka ostao je na parketu. On je ubacio jedno od dva slobodna bacanja, a zatim je otišao u svlačionicu i nije se vraćao u igru.
Pobjedi Seltiksa Pejton Pričard doprineo je sa 22 poena, Kristaps Porzingis sa 16 poena i osam skokova, Luk Korne sa 13 poena i osam skokova, a Derik Vajt sa 12 poena i osam asistencija.
U ekipi Sakramenta Demar Derozan postigao je 20 poena uz 10 asistencija, Sabonis 16 poena uz 17 asistencija, a Zek Levin i Kion Elis dodali su po 14 poena.
U ostalim utakmicama Indijana je pobijedila Minesotu 119:103 i ostvarila petu uzastopnu pobjedu, a Toronto je pobijedio Vašington 112:104 i prekinuo niz od četiri poraza.
Nju Orleans je pobijedio Filadelfiju 112:99, a Dalas je pobijedio Bruklin 120:101 i nanio mu četvrti uzastopni poraz.
REZULTATI
Indijana - Minesota 119:103
Orland - Los Anđeles Lejkers 118:106
Vašington - Toronto 104:112
Bruklin - Dalas 101:120
Nju Orleans - Filadelfija 112:99
Denver - Čikago 119:129
Finiks - Milvoki 108:106
Sakramento - Boston 95:113
Bonus video:
