PLEJ-OF NBA LIGE

Đinobili "rampom" zaustavio Hardena - San Antonio bliži finalu od Hjustona

San Antonio nakon produžetka savladao Hjuston sa 110:107 i poveo sa 3:2 u polufinalnoj seriji Zapadne konferencije
61 pregleda 0 komentar(a)
Đinobili, Foto: Beta-AP
Đinobili, Foto: Beta-AP
Ažurirano: 05.02.2019. 15:02h

Argentinski veteran Manu Đinobili izblokirao je u posljednjoj sekundi produžetka šut Džejmsa Hardena, a San Antonio pobijedio Hjuston sa 110:107 u dramatičnoj petoj utakmici i poveo sa 3:2 u polufinalnoj seriji Zapada. 

"Sparsi" su prevazišli i povredu svog najboljeg igrača Kavaja Lenarda, koji imao je učinak od 22 poena i 15 skokova kada je početkom četvrte četvrtine morao da izađe zbog povrede skočnog zgloba lijeve noge.

Prije toga je tokom utakmice pokazivao i da ga boli desno koljeno, tako da je povremeno dolazio do ivice terena kako bi primio medicinsku pomoć i dobio bandažu.

Lenard se sredinom treće četvrtine dočekao na stopalo Džejmsa Hardena i povrijedio skočni zglob lijeve noge, poslije čega je odšepao do klupe, gdje je ponovo zavezao patike, samo da bi se vratio u igru, ali nakon toga nije pokazao ništa na oba kraja terena. Nešto kasnije je izašao iz igre i više se nije vraćao.

Naredna utakmica igra se u noći između četvrtka i petka, a Lenard je rekao da namjerava da igra. "Sparse" još jedna pobjeda dijeli do finala Zapada sa Golden Stejtom.

Prije Lenarda, San Antonio je ostao i bez skota Parkera, koji se povrijedio tokom četvrtfinalne serije protiv Memfisa.

Sve ih je odmijenio Manu Đinobili - legendarni 40-godišnji Argentinac, koji je prije ključne blokade ubacio i 12 vrlo značajnih poena.

"Manu je igrao kao klinac - ovo je još jedna od njegovih partija iz nekadašnjeg repertoara. Kada se povrijedio Lenard, otišli smo ka Đinobiliju, tražili od njega da napravi neke stvari. Bilo je tu poentiranja, odlične distribicije u igri... Bio je veliki za nas", kazao je trener San Antonija Greg Popović.

Pati Mils doprinio je trijumfu San Antonija sa 20 poena, dok je Deni Grin postigao 16, od čega sedam u produžetku.

Hjustonu nije pomogao ni "tripl-dabl" Hardena, koji je utakmicu završio sa 33 poena, 10 skokova i 10 asistencija.