SMJERNICE

Ovo su pravila pod kojima su dozvoljeni sportski treninzi: Najviše 12 osoba na terenima, jedan sportista na deset kvadratnih metara

Od srijede je na snazi faza A
3036 pregleda 1 komentar(a)
Trening fudbalera Šalkea u Njemačkoj, Foto: Martin Meissner
Trening fudbalera Šalkea u Njemačkoj, Foto: Martin Meissner

Institut za javno zdravlje objavio je smjernice po kojima bi sportski klubovi i sportisti od srijede mogli da nastave treninge.

Od srijede je na snazi faza A u kojoj bi trebalo da poštuju sljedeća pravila:

- Dozvoljene su aktivnosti koje sportista izvodi individualno

- Nema kontakta između sportista i / ili drugog osoblja

- Primjeri dozvoljenih aktivnosti - fizičke vježbe, kondicioni treninzi itd. 

- Trening snage i specifični trenažni procesi za određene sportove dozvoljeni su pod određenim uslovima koji podrazumijevaju redovno održavanje higijene ruku i dezinfekciju sprava nakon korišćenja. 

- U dijelu na kome se obavlja trening mora se ograničiti broj istovremeno prisutnih sportista, trenera, sportskih stručnjaka i tehničkih lica najviše na 12. Za svakog sportistu mora postojati prostor od minimum 10 kvadratnih metara. 

Opšte mjere prevencije podrazumijevaju:

- Nema zadržavanja u prostorijama ili na terenu nakon treninga a vremenski razmak između završetka treninga jedne grupe sportista i početka treninga druge grupe sportista mora biti minimum 30 minuta. 

- Osnovni princip treba da je „Uđite, trenirajte i izađite“. Dođite spremni za trening/fizičku aktivnost, skratite vrijeme boravka u zajedničkim prostorijama/čekaonici i sl. i što manje vremena provodite u malom zajedničkom zatvorenom prostoru. 

- Zabranjen je trening u slučaju bilo kakvih respiratornih simptoma koji mogu ukazivati na COVID - 19. U tom slučaju, osoba sa simptomima se odmah upućuje doktoru, a sportska organizacija taj događaj prijavljuje nadležnoj zdravstvenoj instituciji. 

- Stroga primjena mjera lične higijene - redovna higijena ruku prije i nakon treninga. 

- Nije dozvoljeno dijeljenje opreme za vježbanje, predmeta i zajedničkih prostorija – svlačionica, tuš kabina i sl. 

- Zabranjeno je dijeljenje flaša ili peškira. 

Preporučujemo za Vas