IZAZVAO POLEMIKE

Eklston se brani: Nisam kriv što sam bijelac, nisam protiv crnih ljudi

Eklston je u nedavnom intervjuu za CNN da su "crnci često veći rasisti od bijelaca", zbog čega su ga javno kritikovali čelnici Formule 1 i aktuelni svjetski prvak Luis Hamilton

1402 pregleda 0 komentar(a)
Eklston i Hamilton, Foto: AP
Eklston i Hamilton, Foto: AP

Nekadašnji čelnik Formule 1, 89-godišnji Britanac Berni Eklstone, u razgovoru za nedjeljno izdanje "Dejli mejla" odbacio je optužbe i prozivanja za rasizam, a napao novo vođstvo organizacije koju je nekada vodio.

Eklston je u nedavnom intervjuu za CNN da su "crnci često veći rasisti od bijelaca", zbog čega su ga javno kritikovali čelnici Formule 1 i aktuelni svjetski prvak Luis Hamilton.

Braneći se od tih napada Eklston je izjavio "da nije on kriv što je bijelac".

"Nisam protiv crnih ljudi. Potpuno suprotno. Oduvijek sam bio više na njihovoj strani. Tokom godina sam sreo mnogo bijelaca koji mi se nisu svidjeli, ali nikada nisam sreo crnca koji mi nije bio drag", izjavio je Eklston.

Hamilton je u jeku protesta koji su se širili Sjedinjenim Američkim Državama progovorio o rasizmu u svijetu Formule 1, a sadašnje vođstvo je nakon toga naglasilo da će se zalagati za veću raznolikost.

Eklstone se, međutim, obrušio na čelnog čovjeka F1 Čejsa Kerija.

"Drago mi je što je rekao da nemam nikakvog posla s Formulom 1, pa ne mogu da me prozivaju za sve ono što su napravili. Počeli su iznenada da se bave rasizmom nakon događaja u Americi. Sad je Čejs u to uložio milion dolara, što je dovoljno da uvedeš mehaničara u svijet go-karta. Možda bi trebalo da se koncentriše na ono što žele dioničari. Virus je bio dobar za njega. Može ga okriviti za sve svoje neuspjehe", rekao je Eklston.

Preporučujemo za Vas