FORMULA 1

Mercedes sa druge planete, Hamilton i Ferstapen potvrdili klasu

Hamilton je posljednji put imao pobjedu, pol i najbrži krug u Abu Dabiju prošle godine

3073 pregleda 2 komentar(a)
Hamilton je slavio rekordni osmi put na Hungaroringu, Foto: REUTERS
Hamilton je slavio rekordni osmi put na Hungaroringu, Foto: REUTERS

Pobjeda, pol pozicija i najbrži krug! Na taj način je aktuelni prvak u Formuli 1, Britanac Luis Hamilton slavio rekordnu, 8. pobjedu za Veliku nagradu Mađarske.

Samo je još Mihael Šumaher u francuskom Manji Kuru imao osam pobjeda na jednoj stazi.

Na čuvenom Hungaroringu Britanac je držao prvu poziciju od početka do kraja i slavio je ispred sjajnog Holanđanina iz Red Bula, Maksa Ferstapena i klupskog kolege u Mercedesu, Valterija Botasa.

Hamiltonu je to 86. pobjeda i na pet je do rekorda Šumahera.

"Mercedes nije sa ove, to su bolidi iz druge galaksije", prije trke je prokomentarisao Njemac iz Ferarija, Sebastijan Fetel.

Zato Ferstapen i jeste napravio čudo plasmanom na drugu poziciju, i to uprkos podatku da je na putu do starta udario bolidom u zaštitnu ogradu. Ipak, Botas je loše startovao i do posljednjeg kruga je pokušavao da sustigne Ferstapena, ali bezuspješno. Hamilton je u posljednjem krugu oteo bod Botasu za najbrži krug.

Preporučujemo za Vas