formula 1

Ništa novo: Hamilton i Botas dominirali na prvim treninzima

U subotu (15 sati) vozači će se boriti za startne pozicije

2191 pregleda 0 komentar(a)
Hamilton na Silverstonu, Foto: REUTERS
Hamilton na Silverstonu, Foto: REUTERS

Vodeći tandem u Svjetskom šampionatu Formule 1, Mercedesovi vozači Luis Hamilton i Valteri Botas, bili su najbrži na prva dva slobodna treninga vožena u petak na stazi u Silverstonu, uoči nedjeljne trke koja nosi naziv Velika nagrada 70. godišnjice, a kojom se obilježava 70 godina od prvog Gran prija u istoriji, voženog na istoj stazi 1950.

Finski vozač je imao najbrži krug na prvom treningu (1:26.166 minuta), a Hamilton je za njim zaostao 138 hiljaditih djelova sekunde.

Na drugom treningu Hamilton je spustio ispod 86 sekundi za krug (1:25.606), što je uspio da prati samo Botas (1:25.782). Australac Danijel Rikardo (Reno) je već imao gotovo sekundu zaostatka (1:26.421) za aktuelnim svjetskim prvakom.

U subotu (15 sati) vozači će se boriti za startne pozicije za petu ovosezonsku trku koja je na rasporedu u nedjelju sa startom u 15 sati i 10 minuta.