finac o svom sportu

Lažni svijet, novac i politika: Raikonen napada Formulu 1

„Postoje mnoge stvari koje nemaju smisla, barem za mene, u Formuli 1. Znamo to, ali niko ništa ne kaže. Mnogo je laži, ljepše je kloniti se toga”, kazao je Raikonen

6177 pregleda 4 komentar(a)
Kimi Raikonen, Foto: Reuters
Kimi Raikonen, Foto: Reuters

Kimi Raikonen više nije dio svijeta Formule 1.

Legendarni Finac oprostio se nakon 19 sezona na posljednjoj trci šampionata na VN Abu Dabija 2021.

Svjetskom šampionu iz 2007. nije ni najmanje žao što je ostavio njegov svijet.

„Postoje mnoge stvari koje nemaju smisla, barem za mene, u Formuli 1. Znamo to, ali niko ništa ne kaže. Mnogo je laži, ljepše je kloniti se toga”, kazao je Raikonen i dodao:

"Novac je promijenio stvari i u ovom, kao i u svakom sportu. Što je više novca, više je politike. To se dešava svuda, u svakoj zemlji. Postoje igre koje igraju nepoznati ljudi dok ne uđete u suštinu. Vjerujem da ljudi žele da imaju moć. Bilo bi mnogo u ljudi Formuli 1 koji bi se dobro snašli i u stvarnoj politici”.

Bivši vozač Meklarena i Ferarija kaže da političke igre traju dugo:

"Ovako je već mnogo godina. Možda ljudi tek sada shvataju sve. Nisam se miješao u politički aspekt Formule 1. Znam mnogo stvari koje se dešavaju, ali to mi je bilo strano i nisam želio da budem dio toga, niti sada želim da se miješam u to. Plašim se samo da će lažni svijet, novac i politika uništiti ovaj sport".