FRENSIS TIJAFO OBJAVIO DA JE POZITIVAN NA KORONAVIRUS

Američki teniser zaražen, turnir u Atlanti se nastavlja

Frensis Tijafo testiran na koronavirus nakon egzibicionog meča protiv Sema Kverija. Dobio je pozitivan test, ali turnir se nastavlja

6109 pregleda 4 komentar(a)
Frensis Tijafo, Foto: Beta/AP
Frensis Tijafo, Foto: Beta/AP

Američki teniser Frensis Tijafo objavio je kako je zaražen koronavirusom, nakon što je u petak odigrao egzibicioni meč protiv sunarodnika Sema Kverija na "Ol Amerikan" turniru u Atlanti.

"Nažalost, bio sam pozitivan na covid-19 na testiranju u petak veče nakon meča koji sam odigrao u Atlanti. Na testiranju prije sedam dana bio sam negativan", objavio je Tijafo.

Na "Ol Amerikan" turniru u Atlanti okupili su se svi američki teniseri koji se nalaze među 100 najboljih na ATP listi (Izner, Fric, Opelka, Kveri, Sandgren, Pol, Džonson, Tijafo), a na mečevima je bio dopušten i dolazak publike.

"Kao i svi ostali igrači, Tijafo je bio testiran svakog dana prije dolaska na turnir, a nakon meča je pokazivao simptome bolesti te je bio ponovno testiran i rezultat je bio pozitivan. Stoga je on napustio turnir, a mi smo odmah počeli s dezinfekcijom terena uz pridržavanje svih protokola oko sigurnosti", objavili su organizatori.

Uprkos svemu - turnir se nastavlja.