tenis

Kirjos nakon kraja pobjedničkog niza: Nedostaju mi mama i tata

Zaustavio ga je poljski teniser Hubert Hurkač sa 2:1 po setovima 7:6, 6:7, 6:1

6390 pregleda 2 komentar(a)
Foto: Shutterstock
Foto: Shutterstock

Serija Nika Kirjosa je završena – nakon osvajanja Vašingtona i pobjede nad Danilom Medvedevom u Kanadi, Australijanac je poražen u četvrtfinalu.

Zaustavio ga je poljski teniser Hubert Hurkač sa 2:1 po setovima 7:6, 6:7, 6:1.

Ali, kraj niza od devet pobjeda, nije poremetila Australijanca, koji je u svom stilu prokomentarisao:

"Iskreno, nije me briga. Igrao sam dobar tenis, ali nisam vidio mamu i tatu već tri mjeseca. Pritom, trenutno su bolesni. To me zanima, a ne pobjedničke serije. Želim da igram dobro, kako bi moje odsustvo od kuće imalo svrhu. Imam još dva turnira, Sinsinati i US open, a onda idem kući", kazao je Kirjos.