Deset ruskih padobranaca koji su pre nedelju dana uhvaćeni u Ukrajini, danas se pušteni na slobodu, u zamjenu za ukrajinske zatvorenike u Rusiji.
Padobranci su rano jutros na ukrajinsko-ruskoj granici predati ruskim vlastima. Rusija je potom oslobodila 63 ukrajinska vojnika, koji su u srijedu ušli na rusku teritoriju, bježeći od borbi između ukrajinskih snaga i proruskih separatista na istoku Ukrajine.
"Pregovori nisu bili jednostavni, ali pobijedila je racionalnost", rekao je ruski general Aleksej Ragozin.
Ukrajina je u ponedjeljak saopštila da je zarobila deset ruskih padobranaca, koji su, kako je navela Moskva, greškom prešli rusko-ukrajinsku granicu.
Dva padobranca iz iste jedinice su ubijena, a deset je povrijeđeno u napadu ukrajinskih snaga, javila je ruska televizija.
Uprkos navodima NATO -a da je na istok Ukrajine poslala više od 1.000 vojnika, Rusija odlučno negira da učestvuje u sukobima pobunjenika i ukrajinskih snaga.
Bonus video:
