Britanka pala sa kruzera blizu Pule: Spašena nakon noći provedene u moru

Britanska državljanka koja je sinoć pala u more sa kruzera, pronađena je i spašena jutros poslije devet sati, saopštilo je danas hrvatsko Ministarstvo odbrane.

Nju su jutros spasili pripadnici Obalske straže Cavtata na udaljenosti od 60 nautičkih milja od Pule, odnosno 1.3 kilometra od mjesta gdje je pala u more sa kruzera Norvežan star, prenosi hrvatski portal "24 sata". Potraga z Britankom, koja je pala u more oko 23.45 počela je oko 6.30 sati, a u 9.40 ona je primijećena i spašena. U potrazi su učestvovali avion, čamac Lučke kapetanije i tri civilna broda. Kako se navodi, budući da je Britanka bila u dobrom zdravstvenom stanju, brodom je prebačena u Pulu.