Premijer Sjeverne Makedonije, Zoran Zaev, i bivši grčki premijer, Aleksis Cipras, danas su na sastanku u Ohridu zatražili da EU ukloni prepreke za evrointegraciju Sjeverne Makedonije i Zapadnog Balkana.
Oni su ocijenili da je to suštinska poruka Sporazuma iz Prespe o normalizaciji grčko-makednskih odnosa, koji su njih dvojica postigli 2018. godine.
Vlada u Skoplju je saopštila da su se Zaev i Cipras saglasili da svakodnevno vide koristi jer je poslije decenija spora njihovih zemalja sporazumom uspostavljeno strateško partnerstvo Sjeverne Makedonije i Grčke.
Zaev i Cipras su u Ohridu povodom "Prespa foruma o dijalogu", na kojem je, po njihovoj ocjeni, potvrđeno koliko je taj sporazum značajno dostignuće jer su na toj dvodnevnoj konferenciji "stotine visokih gostiju iz regiona, Evrope i svijeta da bi potvrdili vrijednosti koje proizlaze iz duha tog sporazuma".
Sastanku premijera Zaeva s bivšim šefom grčke vlade, a sada samo opozicionim poslanikom Ciprasom, prisustovao je i vicepremijer Sjeverne Makedonije za evropska pitanja Nikola Dimitrov koji je, kao ministar spoljnih poslova, potpisao Prerspanski dogovor sa svojim grčkim kolegom Nikosom Kocijasom.
Bonus video:
