Papa Franjo je tokom govora u Evropskom parlamentu u Strazburu danas rekao kako svijet Europu vidi kao "staru i ispijenu", javlja BBC.
Rekao je ocijenio da se cijeli kontinent čini sve manje protagonistom "u svijetu koji ga gleda s nepovjerenjem", pozivajući na zajednički odgovor na sve veći broj imigranata koji brodovima stižu siromašni i očajni, prenosi Index.hr.
Neki kritičari nijesu zadovoljni papinom kratkom posjetom jer smatraju da je inače zapostavio Evropu, a mnogi katolici iz Strazbura su uznemireni činjenicom da papa nije uključio vjerske aktivnosti i da neće posjetiti gradsku katedralu.
Inače, njegova posjeta od svega četiri sata najkraća je posjeta nekom mjestu od nekog pape ikada.
Prije je bio u Albaniji, a posjetio je i italijanski otok Lampedusa u junu prošle godine, kako bi se pomolio za migrante. Ovu temu je naglasio i u današnjem govoru, i istakao problem hiljade nesrećnika koji su poginuli u pokušaju da prebjegnu u bolji život.
"Ne možemo dopustiti da Mediteran postane jedna velika grobnica", dodao je papa.
"Nedostatak zajedničkog sporazuma oko rješavanaj problema dopušta prostor ispunjavanju pojedinačnih interesa, i rješenja koja ne čuvaju ljudsko dostojanstvo imigranata i samo podstiču društvene razlike i tenzije", kaže papa.
Evropu je opisao kao "kontinent-baku", koja je izgubila vitalnost i potrebno ju je ponovno oživjeti.
Osudio "državni terorizam"
Papa je danas oštro osudio "državni terorizam" koji ubija nevine u isto vrijeme kada i teroriste, mada nije jasno precizirao na koga se njegova izjava odnosi.
"Postoji još jedna prijetnja, od državnog terorizma", upozorio je poglavar Rimokatoličke crkve po povratku u Vatikanu iz posjete Evropskom parlamentu i Savjetu Evrope u Strazburu, u Francuskoj,
Papa, međutim, nije jasno precizirao na koga se njegova izjava tačno odnosi.
"Svaka država, na svoju ruku, smatra da ima pravo na ubija teroriste, ali tako mnogo nevinih ljudi gine u isto vrijeme kada i teroristi. To je vrsta visokog nivoa anarhije koja je veoma opasna", primijetio je papa Franji, prenijela je agencija AFP.
Francuska agencija navodi da se papini komentari mogu odnositi na pokušaje mnogih vlada, uključujući Siriju, da slome islamske pobunjenike, akciju SAD protiv pripadnika Islamske države i akcije njihovih bespilotnih letjelica u Avganistanu i Pakistanu ili izraelske operacije protiv palestinskih ekstremista.
Papa Franjo je, međutim, bio jasan kada je rekao da "moramo da se borimo protiv terorizma".
"Ali kada morate zaustavite nepravednog agresora, to mora da se uradi uz međunarodni konsenzus. Nijedna zemlja ne može, na svoju ruku, da zaustavi nepravednog agresora", rekao je papa Franja.
Bonus video:
