STOTINE DOBROVOLJACA

Masovna potraga za nestalim mališanom u Edinburgu

Mikael Kular je otišao na spavanje u srijedu veče oko 21 čas, i tada je posljednji put viđen
0 komentar(a)
Edinburg, Foto: Shutterstock
Edinburg, Foto: Shutterstock
Ažurirano: 17.01.2014. 13:10h

Na stotine dobrovoljaca uključilo se u potragu za trogodišnjim dječakom koji je nestao iz svoje kuće u Edinburgu u noći između srijede i četvrtka.

Mikael Kular je otišao na spavanje u srijedu veče oko 21 čas, i tada je posljednji put viđen.

Njegova majka je ušla u sobu u četvrtak ujutru da ga obiđe, i vidjela da ga nema u krevetu.

Od tada traje potraga za mališanom, a škotska policija je sve zabrinutija, iako su dalje optimisti.

BBC napominje da je situacija sve teža kako vrijeme odmiče, naročito što se temperature tokom noći spuštaju blizu nule.

U akciju pronalaženja dječaka uključeni su i helikopteri, psi tragači, obalska straža, timovi za spasavanje na vodi.

Organizacija "Nestali ljudi" odštampala je veliki broj fotografija MIkaela koje će dijeliti na javnim mjestima.

Policija za sada ne sumnja u otmicu, ali ni ta opcija, kako kažu možda nije isključena. U međuvremenu, na svim medijima objavljuju se brojevi telefona na koje se mogu javiti građani ako primete nestalog dječaka.

Preporučujemo za Vas