"nisam je prodala"

Majka "plavo ganđela": Želim svoje dijete nazad, ne želim u zatvor

Živimo u jednoj sobi. Nemamo odjeću da obučemo, ali nikad nisam tjerala svoju djecu na prosjačenje"
0 komentar(a)
Saša Ruseva, Foto: Ibtimes.co.uk
Saša Ruseva, Foto: Ibtimes.co.uk
Ažurirano: 20.02.2019. 07:42h

Majka djevojčice koja je pronađena kod romske porodice u Grčkoj, Saša Ruseva (36), izjavila je da želi svoje dijete nazad.

"Želim svoju Mariju nazad", kazala je Saša kroz suze u izjavi za jednu televiziju, gdje je gostovala zajedno sa mužem Atanasom Rusevim (38) i ostalom djecom.

O djevojčici Mariji, koju su mediji prozvali "Plavim anđelom", a za koju se pretpostavlja da ima oko četiri i po godine, trenutno se brinu socijalni radnici u Grčkoj.

Uz pomoć DNK analize, Marijini biološki roditelji pronađeni su u Bugarskoj. Ruseva sada tvrdi kako nije prodala svoju kćerku, iako je prije nekoliko godina tvrdila da je, zbog neimaštine i neznanja, sedmomjesečnu Mariju predala jednoj plavoj ženi, te da ju nakon nestanka nije tražila, prenosi Anadolija.

Nakon što je malu Mariju ostavila u grčkom gradu Lamya, prema tadašnjoj verziji priče, sa svojim bolesnim suprugom se vratila u Bugarsku i više ništa nije čula o Mariji.

Saša Ruseva, koja živi u romskom naselju Nikolaevo u Bugarskoj, sa teškoćom daje izjave. Socijalnu pomoć dobija od države za svoje devetoro djece sa kojima živi u jednosobnom stanu.

"Živimo u jednoj sobi. Nemamo odjeću da obučemo, ali nikad nisam tjerala svoju djecu na prosjačenje. Nisam ni svoju Mariju prodala za 400 eura", rekla je Saša Ruseva.

Plačući zbog stanja u kojem živi, Saša Ruseva je istakla kako "ne želi ići u zatvor''.

''Želim se brinuti o svojoj djeci", kazala je.