POLICAJAC U PENZIJI

Uhapšen osumnjičeni za organizaciju ubistva ruske novinarke

Ruski istražitelji potvrdili su da su uhapsili nekadašnjeg pukovnika moskovske policije Dmitrija Pavljučenkova, osumnjičenog za organizaciju ubistvo Ane Politkovskaje 2006. u Moskvi.
0 komentar(a)
Ažurirano: 24.08.2011. 08:25h

"Pavljučenkov je dobio naređenje od neidentifikovane osobe i nakon čega je pristao da organizuje ubistvo Politkovskaje u zamjenu za novac", izjavio je portparol istražnog odbora Rusije Vladimir Markin.

Nekadašnji policijski pukovnik osnovao je kriminalnu grupu kojoj su pripadala čečenska braća Mahmudov, izvršioci zločina, dodao je on.

Rustam Mahmudov, navodni ubica Ane Politkovskaje, uhapšen je u maju u Čečeniji. Njegova braća Ibragim i Džabrail oslobođeni su na suđenju 2009. i opet su osumnjičeni u okviru ponovo otvorene istrage.

Privođenje penzionisanog pukovnika objavio je u utorak naveče glavni urednik dnevnika Nova Gazeta Dmitrij Muratov, za koji je radila Ana Politkovskaja.

Preporučujemo za Vas