"NE ŽELE PARALELNA DRUŠTVA"

Vlada Austrije želi da zabrani djevojčicama nošenje hidžaba u školama

I Kurcova Austrijska narodna partija (OVP) i Štraheova FPO, njen novi partner u vladi, govorili su o potrebi obračuna s radikalnim islamom
62 pregleda 2 komentar(a)
parlament, Austrija, Foto: Shutterstock
parlament, Austrija, Foto: Shutterstock
Ažurirano: 31.01.2019. 08:23h

Nova Vlada Austrije planira da zabrani djevojčicama u osnovnim školama i vrtićima nošenje muslimanske marame - hidžaba, što će biti dodatak postojećoj zabrani nošenja burki koje prekrivaju glavu i tijelo. Vlada kancelara Sebastijana Kurca, koju čine njegova stranka desnog centra i nacionalistička Slobodarska partija Austrije (FPO), nada se da će do leta završiti predlog "zakona o zaštiti djeteta", navela je danas agencija APA. Vicekancelar i lider FPO Hajnc-Kristijan Štrahe rekao je da "ne žele paralelna društva". Za sada nije jasno koliko djece bi moglo da bude obuhvaćemo zabranom. Ministar prosvjete Austrije Hajnc Fasman nazvao je novu mjeru "simboličnim činom" i dodao da je Austrija sekularna zemlja. I Kurcova Austrijska narodna partija (OVP) i Štraheova FPO, njen novi partner u vladi, govorili su o potrebi obračuna s radikalnim islamom. Prethodna koaliciona Vlada koju su činili OVP i socijaldemokrate, zabranila je prošle godine nošenje burki u sudovima, školama i na drugim "javnim mjestima", dok je policajcima, sudijama i tužiocima zabranila da nose i maramu na glavi - hidžab, što sadašnja vlada želi da proširi na djevojčice.

Preporučujemo za Vas