konzervativci učvrstili vlast pred predsjedničke izborE

Bivši gradonačelnik Teherana izabran za predsjednika parlamenta

Galibaf, koji je tri puta bio kandidat za predsjedničke izbore, bio je gradonačelnik Teherana od 2005. do 2017. godine.

0 komentar(a)
Teheran, Foto: AP
Teheran, Foto: AP

Novi parlament Irana izabrao je danas za predsjednika Muhamed-Bagera Galibafa, bivšeg gradonačelnika Teherana čime su konzervativci učvrstili vlast pred predsjedničke izbora predviđene naredne godine. Iranska televizija prenijela je da je Galibaf (58) osvojio glasove 230 od ukupno 267 prisutnih poslanika za funkciju predsjednika parlamenta koja je jedna od najvažnijih u Iranu. Galibaf, koji je tri puta bio kandidat za predsjedničke izbore, bio je gradonačelnik Teherana od 2005. do 2017. godine. Njegov izbor se može tumačiti kao jačanje konzervativaca naspram predsjednika Irana, Hasana Rohanija, koji pripada umjerenoj struji. Galibaf je izabran za poslanika na parlamentarnim izborima održanim u februaru. On će zamijeniti Aliju Laridžanija, koji je bio predsjednik parlamenta od 2008. godine. Predsjednik parlamenta vodi skupštinske poslove, ali ima važnu ulogu u Višem savjetu za ekonomsku koordinaciju, kao i predsjednik i ministar pravosuđa. Vrhovni vođa, ajatolah Ali Hamenei je 2018. godine formirao taj savjet koji se bavi ekonomskim pitanjima i ima zadatak da uskladi privredne aktivnosti ugrožene američkim sankcijama.