Jedini put koji vodi do sela sada je prekinut jarcima

Rusija gradi rovove oko sibirskog sela kako bi ojačala karantin

Rovovi oko Šulute iskopani su 29. ljuna kako bi se spriječio dolazak turista iz obližnjeg sela u nacionalnom parku Tunka i uopšteno da se smanji kretanje lokalnih stanovnika, a neki od njih ne poštuju naredbu o samoizolaciji

8029 pregleda 2 komentar(a)
Ilustracija, Foto: Shutterstock
Ilustracija, Foto: Shutterstock

Ruske vlasti iskopale su rovove  oko zabačenog sibirskog sela kako bi ojačale karantin pošto su se desetine stanovnika zarazili koronavirusom tokom  tradicionalnog šamanskog rituala.

Selo Šuluta nekih 30 kilometara jugoistočno od Bajkalskog jezera u sibirskoj regiji Burjatiji ima 37 potvrđenih zaraženih koronavirusom od 390 stanovnika, piše index.hr.

Vjeruje se da je još 95 ljudi zaraženo jer su bili u kontaktu s oboljelima te se i od njih traži da budu u karantenu, rekao je funkcioner lokalne vlasti Ivan Alkhejev.

Po njegovim riječima stanovnici su se zarazili jer su  učestvovali  10. juna u šamanskom ritualu koji je izvela zaražena žena.

Rovovi oko Šulute iskopani su 29. ljuna kako bi se spriječio dolazak turista iz obližnjeg sela u nacionalnom parku Tunka i  uopšteno da se smanji kretanje lokalnih stanovnika, a neki od njih ne poštuju naredbu o samoizolaciji.

"Ne mogu   da vjerujem! Barem bih trebala imati neke simptome, a nemam nijedan", rekla je za lokalnu televiziju Engelsina Šabojeva koja je bila pozitivna na testu.

Ni Svetlana Šaglanova kojoj je suprug umro i testiran je pozitivno na virus ne priznaje izrečenu dijagnozu.

"Napisali su da je umro od virusa, ali to nije istina, imao je udar", kaže.

Ruska agencija za sigurnost Rospotrebnadzor kaže da oni koji učestvuju  u šamanskom ritualu iako je to javno zabranjeno mogu platiti kaznu.

Jedini put koji vodi do sela sada je prekinut jarcima i nadziru je kako lokalne, tak i ruske nacionalne straže koje dopuštaju prolaz samo kolima Hitne pomoći i dostavi hrane.

Rusija je službeno četvrta država na svijetu s najviše zaraženih covidom-19 i u ponedjeljak je broj zaraženih bio 687.862.