Sarkozi ocijenio optužbe protiv njega kao sramotne

Mogao bi biti kažnjen sa 10 godina zatvora i milion eura

7074 pregleda 3 komentar(a)
Sarkozi na suđenju, Foto: Reuters
Sarkozi na suđenju, Foto: Reuters

Bivši francuski predsjednik Nikola Sarkozi danas je u nastavku suđenja za korupciju i trgovinu uticajem ocijenio optužbe protiv njega kao "sramotne".

"Ne priznajem nijednu od tih sramotnih (optužbi) protiv kojih me šest godina (sudstvo) progoni", rekao je Sarkozi obraćajući se sudu u Parizu.

Sa optužbama za mito i trgovinu uticajem, Sarkozi bi mogao biti kažnjen sa 10 godina zatvora i milion eura.

Suđenje je danas nastavljeno poslije prekida prošle nedjelje zbog odsustva sudije Žilbera Azibera.

Tužioci navode da je Sarkozi u razgovoru sa svojim advokatom Tijerijem Ercogom obećao sudiji Aziberu dobro plaćeni posao u Monaku u zamjenu za insajderske informacije o zasebnoj istrazi o dobijanju nelegalnih sredstava za predsjedničku kampanju 2007.

Zbog epidemiološke situacije za sada se ne zna koliko će trajati suđenje koje je ranije predviđeno da bude tri nedjelje.

Bonus video: