u blizini Mesine i Katanije

Etna ponovo eruptirala: Izbacuje lavu niz kratere na istočnoj obali Sicilije

Nova faza eruptivne aktivnosti počela je u kasnim večernjim satima 12. maja i još uvijek traje

4463 pregleda 0 komentar(a)
Foto: Screenshot Youtube afarTV
Foto: Screenshot Youtube afarTV

Jedan od najaktivnijih evropskih vulkana Etna ponovo je eruptirao i izbacuje lavu niz svoje kratere na istočnoj obali Sicilije u blizini Mesine i Katanije, prenosi N1.

Nova faza eruptivne aktivnosti počela je u kasnim večernjim satima 12. maja i još uvijek traje.

Lava izlazi iz nove eruptivne pukotine na sjevernom boku kratera Jugoistok.

Istovremeno, iz novog otvora nadomak vrha sjevernog ruba kratera smjenjuju se i erupcije pepela i dima.

Planina Etna najveći je i najaktivniji vulkan u Evropi. Njegove česte erupcije nerijetko su praćene velikim tokovima lave, ali retko predstavljaju opasnost za naseljena područja.

Etna je jedan od vulkana s najdužim istorijskim zapisima o erupcijama, koji sežu više od 2.000 godina u prošlost.