bivši predsjednik ukrajine optužen za izdaju

Ukrajinski sud naredio hapšenje Viktora Janukoviča

Ovog puta je optužen za izdaju zbog sporazuma koji je potpisao 2010. godine, a koji se odnosio na produženje ruske kontrole nad Krimom

11572 pregleda 0 komentar(a)
Janukovič, Foto: Reuters
Janukovič, Foto: Reuters

Ukrajinski sud naredio je hapšenje nekadašnjeg predsjednika ove zemlje Viktora Janukoviča optuživši ga za izdaju, prenosi N1.

Janukovič je od februara 2010. do februara 2014. godine obavljao dužnost ukrajinskog predsjednika, nakon čega je prebjegao u Rusiju s kojom je blisko sarađivao i u vrijeme dok je bio prvi čovjek Ukrajine.

Već ranije je Janukovič osuđen na 13 godina zatvorske kazne zbog izdaje, a sve zbog bliske saradnje s ruskim predsjednikom Vladimirom Putinom od kojeg je tražio da ruska vojska i policija uspostave red u Ukrajini.

Ovog puta je optužen za izdaju zbog sporazuma koji je potpisao 2010. godine, a koji se odnosio na produženje ruske kontrole nad Krimom.

Taj je sporazum poznat kao Harkovski pakt koji je omogućio Rusiji da zadrži svoju Crnomorsku flotu u krimskoj luci Sevastopolju. Upravo je Crnomorska flota ostvarila jedan dio ruske invazije na Ukrajinu.