Stoltenberg: Finska će se formalno pridružiti NATO-u za nekoliko dana

Stoltenberg je dodao da je ovo najbrži proces ratifikacije u modernoj istoriji NATO-a i da je svih 30 članova sada ratifikovalo protokol o pristupanju

2977 pregleda 4 komentar(a)
Jens Stoltenberg, Foto: Reuters
Jens Stoltenberg, Foto: Reuters

Generalni sekretar NATO Jens Stoltenberg izjavio je danas u Briselu da će se Finska formalno pridružiti Alijansi za nekoliko dana.

Stoltenberg je u video objavi na Jutjub kanalu NATO-a rekao da će pridruživanje Finske tu državu učinti bezbjednijom a Alijansu jačom.

"Finska ima veoma sposobne snage i jake demokratske institucije, tako da će donijeti mnogo našoj Alijansi", izjavio je on.

Stoltenberg je dodao da je ovo najbrži proces ratifikacije u modernoj istoriji NATO-a i da je svih 30 članova sada ratifikovalo protokol o pristupanju.

"Upravo sam razgovarao sa predsjednikom Saulijem Ninisteom da mu čestitam ovaj istorijski događaj", rekao je u video obraćanju.

Turski parlament sinoć je glasao za prijem Finske u NATO, posle deset mjeseci neizvjesnosti. Turska je posljednja članica Alijanse koja je dala "zeleno svjetlo" finskom članstvu.

Međutim Ankara i dalje blokira kandidaturu Švedske, koja je podnijeta prošle godine, u isto vrijeme kada i Finska.

Bonus video: