NAKON NEKOLIKO GODINA NESLAGANJA

Lufthanza prihvatila da poveća plate pilotima

Piloti zahtijevaju veće plate budući da povišica nije bilo posljednjih pet godina, čak i kada je kompanija dobro poslovala
0 komentar(a)
Lufthanza, Foto: Reuters
Lufthanza, Foto: Reuters
Ažurirano: 15.02.2017. 15:23h

Njemački avioprevoznik Lufthanza prihvatio je danas da poveća plate svojim pilotima što je dogovor koji je postignut poslije nekoliko godina neslaganja i štrajkova pilota, saopštio je sindikat Kokpit. Lufthanza će povećati plate za sve pilote, njih 5.400 koji rade u kompaniji i filijalama, u Lufthanzi kargo i Džermanvingsu (Germanwings). Pored tog povećanja, koje će se odvijati u četiri faze do 2019. godine, piloti će dobiti i bonuse ukupne vrijednosti od oko 30 miliona eura, ili između 5.000 i 6.000 eura po pilotu. Neslaganje između uprave i pilota trajalo je godinama, a nekoliko štrajkova pilota Lufthanzu je koštalo više od 350 milion eura. Piloti zahtijevaju veće plate budući da povišica nije bilo posljednjih pet godina, čak i kada je kompanija dobro poslovala. Kopilot na početku karijere mjesečno zarađuje 6.550 eura bruto, a kapetan pred penzijom više od 22.000 eura.

Preporučujemo za Vas