SAVE THE CHILDREN

Udvostručen broj djece migranata koja putuju sama

Prema podacima te organizacije u prvih šest mjeseci ove godine u Italiju je preko Sredozemnog mora došlo 10.525 djece bez pratnje odraslih, dok ih je prošle godine u prvih šest mjeseci registrovano 3.929
0 komentar(a)
Sirija, djeca izbjeglice, Foto: Reuters
Sirija, djeca izbjeglice, Foto: Reuters
Ažurirano: 14.07.2016. 19:41h

Broj djece migranata koja su se na opasno putovanje do Italije preko Sredozemnog mora uputila bez pratnje ove godine je više nego udvostručen, upozorila je danas humanitarna organizacija "Spasimo djecu" (Save the Children).

Prema podacima te organizacije u prvih šest mjeseci ove godine u Italiju je preko Sredozemnog mora došlo 10.525 djece bez pratnje odraslih, dok ih je prošle godine u prvih šest mjeseci registrovano 3.929.

U isto vrijeme broj migranata je gotovo isti, 2015. u prvih šest mjeseci stiglo ih je 70.340 a ove godine 70.222.

Prema riječima portparolke organizacije "Spasimo djecu" Đovane di Benedeti najviše djece bez pratnje dolazi iz Egipta i Gambije.