ODVEDENI U DRUGE PRIHVATNE CENTRE

Grčka policija iselila 1.529 izbjeglica iz kampa u Idomeniju

Bježeći od rata i siromaštva, oko milion ljudi je prošlo kroz Grčku, gdje uglavnom prvo stižu na ostrva iz pravca Turske. Većina ih je iz Sirije, Avganistana i Iraka
0 komentar(a)
Ažurirano: 10.02.2019. 02:52h

Grčka policija iselila je danas oko 1.500 izbjeglica iz kampa u mjestu Idomeni, na granici s Makedonijom.

U akciji je učestvovalo oko 700 policajaca koji su blokirali pristup oko oblasti Idomenija i ka graničnom prelazu.

Više od 30 autobusa odvezlo je ukupno 1.529 izbjeglica u druge obližnje, slobodne prihvatne centre.

U kampu kod prelaza Idomeni, koji je u početku bio mjesto za neformalni prolazak migranata na putu ka zapadnoj Evropi, boravi oko 8.400 ljudi.

Posljednjih 15 dana premješteno je oko 2.000 ljudi u druge prihvatne centre.

Više od 54.000 izbjeglica i migranata zarobljeno je u Grčkoj otkako su balkanske i evropske zemlje zatvorile svoje granice za njihov masovni ulazak.

Bježeći od rata i siromaštva, oko milion ljudi je prošlo kroz Grčku, gdje uglavnom prvo stižu na ostrva iz pravca Turske. Većina ih je bila iz Sirije, Avganistana i Iraka. 

Galerija