U ZNAK PROTESTA

Spalila se 16-godišnja gimnazijalka sa Tibeta

Šesnaestogodišnja tibetanska gimnazijalka spalila se u nedjelju, javila je danas novinska agencija Nova Kina.
0 komentar(a)
Tibetanci, Foto: Beta/AP
Tibetanci, Foto: Beta/AP
Ažurirano: 10.12.2012. 15:06h

Drama se dogodila u prefekturi Huangnan, u kojoj živi 78 posto Tibetanaca i u kojoj su česti protesti protiv kineske dominacije.

Novinska agencija je precizirala da je beživotno tijelo djevojke koja se spalila nakon nekoliko sati kremirano a pepeo predat porodici. Lokalne vlasti su otvorile istragu o njenoj smrti.

Prema podacima organizacija za zaštitu ljudskih prava, od 2009. godine više od 90 Tibetanaca se spalilo ili je pokušalo da se spali u tibetanskim regijama u Kini.

Broj slučajeva samospaljivanja je porastao prošli mjesec dok je Komunistička partija održavala kongres u Pekingu.

Brojni Tibetanci ne podnose više dominaciju Hana, većinskog naroda u Kini, koji guše njihovo religiju i kulturu.

Preporučujemo za Vas