kritičarka vlasti

Turska: Uhapšena novinarka zbog optužbi za špijunažu

Od pokušaja državnog udara u maju 2016. Ankara pokušava razbiti mrežu Fethulaha Gulena kojeg optužuje za organizaciju puča. Više od 77.000 ljudi je zatvoreno, a 150.000 državnih službenika, vojnog osoblja i drugih ljudi je otpušteno ili suspendovano 

279 pregleda 0 komentar(a)
Ilustracija, Foto: Shutterstock
Ilustracija, Foto: Shutterstock

U Turskoj je uhapšena ugledna novinarka, kritičarka vlasti, koju čeka suđenje za "vojnu i političku špijunažu", objavila je državna novinska agencija Anadolija a prenijela Hina.

Mujeser Jildiz, urednica novinskog portala OdaTV, privedena je u ponedjeljak. Službeno je uhapšena juče nakon ispitivanja.

Ismail Dukel s kanala TELE1 takođe je priveden i ispitan, ali je u međuvremenu oslobođen, javlja Anadolija. S njima je priveden i vojni komandant, ali se ne navode detalji.

Turska je među zemljama koje najviše zatvaraju novinare

Novinski portal OdaTV bio je kritičan prema vladi predsjednika Redžepa Tajipa Erdogana, a Turska je među zemljama koje najviše zatvaraju novinare.

Od pokušaja državnog udara u maju 2016. Ankara pokušava razbiti mrežu Fethulaha Gulena kojeg optužuje za organizaciju puča. Više od 77.000 ljudi je zatvoreno, a 150.000 državnih službenika, vojnog osoblja i drugih ljudi je otpušteno ili suspendovano.

Kritičari tvrde da je Erdogan iskoristio neuspjeli pokušaj puča za jačanje svojih ovlašćenja. Ankara odbacuje te optužbe i tvrdi da su mjere nužne za zaštitu nacionalne sigurnosti.