prije nedjelju dana pronađeno 13 sarkofaga

U Egiptu nađeno još 14 sarkofaga starih 2.500 godina

Fotografije dobro očuvanih sarkofaga prikazuju smeđe i plave šare i hijeroglifske znakove

5365 pregleda 3 komentar(a)
Ilustracija, Foto: Shutterstock
Ilustracija, Foto: Shutterstock

Egipatske vlasti su u nedjelju objavile otkriće na dnu iskopine u nekropoli Sakari, jugozapadno od Kaira, još 14 sarkofaga starih oko 2.500 godina.

To novo otkriće do kojeg je došlo u petak, dopunjava prethodno otkriće 13 sarkofaga na tom mjestu prije nedjelju dana, navodi se u saopštenju Ministarstva za starine.

Mesto Sakara, 25 kilometara južno od piramida na platou Gize, prostrana je nekropola u kojoj je i znamenita stepenasta piramida faraona Đosera, prva iz faraonske ere. Taj spomenik, koji je oko 2.700 prije naše ere sagradio arhitekta Imhotep, smatra se jednim od najstarijih u čitavom svijetu.

Fotografije dobro očuvanih sarkofaga prikazuju smeđe i plave šare i hijeroglifske znakove.

Već nekoliko godina egipatske vlasti redovno objavljuju arheološka otkrića, s ciljem, između ostalog, oživljavanja turizma.

Udio turizma u prihodima Egišta je godina potkopan političkom nestabilnošću i napadima posle puča 2011. godine kojim je s vlasti zbačen predsjednik Hosni Mubarak, a ove godine se teškoćama turizma pridružila i pandemija novog koronavirusa.