Pakistan: Četvoro stradalih u napadu bombaša samoubice

Bomba je aktivirana u blizini kamiona u kojem su bili policajci upućeni da štite zdravstvene radnike koji vakcinišu protiv dječje paralize, dok je u napadu povrijeđeno 23 ljudi

2317 pregleda 0 komentar(a)
Nakon napada, Foto: Rojters
Nakon napada, Foto: Rojters

Jedan policajac i tri civila pognuli su u eksploziji bombaša samoubice u blizini pakistanskog grada Kvete.

Bombaš samoubica bombu je aktivirao u blizini kamiona u kojem su bili policajci koji su se uputili da zaštite zdravstvene radnike koji vakcinišu protiv dječje paralize, kada je povrijeđeno još 23 ljudi.

Eksplozija je bila toliko jaka da se kamion s policajcima prevrnuo u jarugu, rekao je jedan lokalni zvaničnik.

Poginuli civili bili su u prolazu kada se dogodila eksplozija.

Vlasti uvjeravaju da će se kampanja vakcinacije ipak nastaviti.

Pakistanski predsjednik Arif Alvi, premijer Šahbaz Šarif i drugi zvaničnici su osudili napad.

Odgovornost za napad su preuzeli pakistanski talibani.

Napad je izveden na dan kada je zamjenica ministra spoljnih poslova Pakistana Hina Rabani Kan u Avganistanu da bi razgovarala i o prijetnji koju u Pakistanu predstavljaju lokalni talibani.