Kina i Saudijska Arabija potpisale su memorandum o razumijevanju o investicionoj saradnji vrijedan 65 milijardi dolara koji obuhvata 35 projekata. Saudijski kralj Salman sastao se danas u Pekingu s premijerom Kine Li Kećijangom, dan poslije potpisivanja memoranduma i razgovora s predsjednikom Si Djinpingom. Si je rekao da rezultati saradnje već prevazilaze očekivanja. Cilj sporazuma je jačaje zajedničkih napora u oblastima energije, investicija, finansija, kulture i avionske industrije. Saudijska Arabija nastoji da napravi strategiju razvoja manje zavisnog od nafte, a Kina sprovodi velike trgovinske i investicione inicijative širom centralne Azije i Bliskog istoka u okviru plana "Jedan pojas, jedan put". Saudijska državna naftna kompanija Aramko partner je s kineskom državnom kompanijom Petroleum end kemikal korporejšen u rafineriji u jugoistočnoj provinciji Fudjen, a ima i druge projekte u Kini. Saudijska Arabija je najveći snabdjevač Kine sirovom naftom.
Bonus video:
