Kada ste posljednji put spavali pod vedrim nebom okruženi četinarskom šumom? Iskusni kamperi, kažu da je to najbolji način da čovjek upozna priroduj. Maida Kurgaš, upravo je jedna od onih koji vjeruju da svojim primjerom mogu mijenjati navike.
"Mislim da je nekako počeo proces kojem sam se uvijek nadala da će doći, a to je jednostavno, vidim da sve više mladih ljudi se angažuje za svoju prirodu, jako puno ljudi po Crnoj Gori se aktiviralo da sačuva nešto što mu je vrijedno, i mislim da kao što vitie, nas je 30 oro, a došli smo svi sa jednim ciljem, da očuvamo Lovćen."
Brojni ljubitelji prirode iz različitih organizacija su, prepoznavši duh mladih, organizovali kamp na Ivanovim koritima. U suštini ovo okupljanje predstavlja samo dio velike akcije, u kojoj planiraju da pošume dio ovog nacionalnog parka. Cilj je prikupiti što više novca za što veći broj stabala, koja su stradala što u šumskim požarima ali i prirodnom erozijom.
Ova družina boraviće na Ivanovim koritima sve do 15.avgusta, a već danas planiraju da očiste jedan dio ovog prirodnog rezervata. Pogledajte priču o njima koju je zabilježila ekipa jutarnjeg programa TV Vijesti.
Bonus video:
