Gastronomski vodič

Čekić o Bokeljskoj kuhinji

"Bokakotorska nema doručak, evo zašto. Bokelji tradiconalno piju kafu ujutru, ili mlijeko sa kafom, feta kruha sa onim što je bilo kući i išlo se van"

1674 pregleda 1 komentar(a)
Boje jutra, Foto: Printscreen YouTube
Boje jutra, Foto: Printscreen YouTube

"Onaj tradicionalni bokeški ručak lakše je prepoznati, ja razvrstavam taj objed u tri kategorije: riblji, i dva mesna. Danas za riblji treba biti dobar ribar, jer na pijaci je ta cijena takva da prosječan građanin može samo da gleda tu ribu, a ne može da je kupi", istakao je za Boje jutra, Mašo Čekić, novinar, publicista, kulinar.

"Prvi mesni je kuhano meso, ili lešo riba, ide taj slijed supa, kuhano meso, prilog i obavezna salsa. Ljeti je to salsa od pamidore uz pire krtolu, a tu je i salata i neki od bokeških dezerta.

Drugi mesni je nešto svečaniji, podrazumijeva isto supu, kuhano meso, zatim pečeno meso sa krtolom , nekada dok krtola nike došla u Boku, oriz se koristio, bio je krunska namirnica na bokeškom stolu. Tu je salata i dezert. "

Čekić navodi da u hotelima, restoranima na primorju, malo jela odiše bokeškom kužinom.

"Bokakotorska nema doručak, evo zašto. Bokelji tradiconalno piju kafu ujutru, ili mlijeko sa kafom, feta kruha sa onim što je bilo kući i išlo se van. Stariji ljudi su znali taj doručak zamijenit ribom. Bokelji imaju ono što drugi nemaju, a to je marenda, ona se donosila od kuće, ili se išlo u prvu kafanu. To je danas potpuno zamrlo, marende više nema. Izmislili su bokeški doručak pa se služi pršut, jaje, komad sira, dvije, tri masline, kombinovalo se od popularnih namirnica i to se poslužuje kao bokeški doručak.

Preporučujemo za Vas