Vukovi mu zaklali oko 30 ovaca, traži pomoć od države

Na imanju Tihomira Perića u selu Orahovo u Kučima čopor vukova zaklao je tridesetak ovaca, napravivši štetu veću od 3.000 eura.

Perić je za Televiziju Vijesti kazao da ovo nije prvi put da vukovi desetkuju njegovo stado i tvrdi da nema načina da se zaštiti od njih, jer ih zakon štiti, a država nudi malu ili nikakvu pomoć.

Obratio se Ministarstvu poljoprivrede, gdje su mu rekli da će poslati veterinarski tim da utvrdi štetu, ali on traži pomoć jer će, u suprotnom, njegova i egzistencija njegovo osmoro djece biti dovedena u pitanje.