Treći za godinu

Iran lansirao novi satelit

Iranski svemirski program izaziva zabrinutosti na zapadu jer tehnologija koja se koristi za lansiranje satelita može biti korišćena i za ispaljivanje nuklearnih bojnih glava
0 komentar(a)
Iran satelit, Foto: Presstv.ir
Iran satelit, Foto: Presstv.ir
Ažurirano: 03.02.2012. 10:04h

Iran je uspješno lansirao još jedan satelit, posljednji u njihovom ambicioznom svemirskom programu.

Kako navodi državna novinska agencija IRNA satelit koji je namijenjen prikupljanju klimatskih podataka i praćenju potencijalnih prirodnih katastrofa, lansiran je rano u petak.

Težina satelita "Navid" iznosi 50 kilograma, a kružiće na visini od 370 kilometara iznad zemlje. U pitanju je takozvani minijaturni, odnosno mikrosatelit, koji je jeftiniji i za izradu i za lansiranje.

"Navid" je treći po redu satelit koji je Iran lansirao u proteklih godinu dana. Svaki od njegovih prethodnika u orbiti je ostao mjesec dana.

Iranski svemirski program izaziva zabrinutosti na zapadu jer tehnologija koja se koristi za lansiranje satelita može biti korišćena i za ispaljivanje nuklearnih bojnih glava.

Preporučujemo za Vas