Turistkinja iz Australije umrla u Plavoj špilji

Ona se u mjestu Muo sa mužem ukrcala na izletnički brod kojim su stigli do Plave špilje, gdje su zajedno plivali
47086 pregleda 4 komentar(a)
Ilustracija, Foto: Shutterstock
Ilustracija, Foto: Shutterstock
Ažurirano: 26.06.2019. 17:04h

Turistkinja A.S. (50) iz Australije koja je ljetovala u Crnoj Gori preminula je najvjerovatnije od srčanog udara, danas oko 13 sati u Plavoj špilji na poluostrvu Luštica.

Ona se u mjestu Muo sa mužem ukrcala na izletnički brod kojim su stigli do Plave špilje, gdje su zajedno plivali. A.S. se požalila na bolove u grudima i krenula ka brodu.

Australijanka je gliserom prebačena do Gradske luke u Herceg Novom, gdje je čekala ekipa Hitne medicinske pomoći, koji su samo konstatovali smrt.

Uviđaj je završen i o svemu je obavješteno i državno tužilaštvo.

Uzrok smrti trebalo bi da bude utvrđen nakon obdukcije koja se radi u ovakvim slučajevima jer je riječ o stranoj državljanki.

Prije desetak dana, od srčanog udara, takođe dok je plivao u Bijeloj je umro turista iz Njemačke.

Podsjećamo da ljekari preporučuju oprez naročito srčanim bolesnicima za vrijeme tropskih vrućina koje vladaju u našoj zemlji.

Bonus video: