Grupa mještana sela Lužac osujetila je navodnu namjeru lokalnih vlasti da na jednoj lokaciji pored rijeke Bistrice, u blizini njihovih kuća, odlože nagomilani otpad sa gradskih ulica.
Mještani su dan ranije zatekli mašine kako na tom mjestu kopaju veliku rupu, dubine desetak metara, kojom je čak ugrožen i vodotok Bistrice.
Oni su poslije toga postavili straže, a zatim preko noći parkirali i ostavili desetak privatnih automobila oko rupe, da kamioni sa otpadom ne bi eventualno mogli da priđu.
"Ujutru smo odmah došli na to mjesto i nastavili da stražarimo. Zvali smo i vodoprivrednog inspektora, koji je rekao da će zatražiti da se rupa zatrpa i lokacija vrati u prvobitno stanje“, ispričao je jedan od mještana Lušca koji nije želio da mu se pominje ime.
U Beranama već četvrti mjesec traje blokada gradskog smetlišta na Vasovim vodama, gdje mještani prigradskog naselja Berasnelo blokiraju dalje odlaganje otpada na ovoj lokaciji
"Ne znam da li je on naišao slučajno, ali se namjestilo da dođe baš kada je bila najveća gužva i rasprava. Razmijenjene su teške riječi. Neki od mještana izrazili su želju da se fer potuku sa predsjednikom Opštine, ali je on poslije tog incidenta ušao u automobil i otišao", rekao je taj mještanin sela Lužac.
Vijest o incidentu ubrzo je "krenula" da kruži, pa je poprimala različire verzije. U jednoj od tih verzija pričalo se kako su se gradonačelnik i taj mještanin navodno i bukvalno potukli, pa čak i da je "pala krv".
"Ne, nije bilo tuče. Ali je bilo vrlo neprijatnih riječi. Istina je da je malo falilo da bude i tuče... Iz lokalne uprave su tvrdili da rupa nije iskopana zbog smeća. Šta god da je bila namjera, nas to ne zanima, samo tražimo da se mjesto uredi onako kako je bilo. A smeće ovdje naravno da ne mogu odlagati“, rekao je taj mještanin.
U Beranama već četvrti mjesec traje blokada gradskog smetlišta na Vasovim vodama, gdje mještani prigradskog naselja Berasnelo blokiraju dalje odlaganje otpada na ovoj lokaciji, gdje su lokalne vlasti namjeravale da grade čak i regionalnu deponiju.
Beranselci su prije mjesec protestovali pred zgradom Opštine, gdje su odložili kese sa smećem, kada je došlo do grubog incidenta između gradonačelnika i američkog državljanina porijeklom iz Berana, Jovana Lončara.
Golubović je tada otpužio Lončara da je organizovao mještane da prave blokadu i pred nekoliko desetina svjedoka mu rekao - "džukelo, treba da odeš".
Lončar je nakon toga prijavio gradonačelnika policiji zbog prijetnje i teške uvrede, ali, koliko je poznato, taj slučaj službeno nije procesuiran. Grad je zatrapan smećem, koje se u manjim količinama odvozilo na sanitarnu deponiju u Baru, a sada se, kako se nezvanično saznaje, odlaže u susjednim gradovima.
Bonus video:
