Najbolji učenici pljevaljskih osnovnih škola nakon nastavka školovanja u pljevaljskoj Gimnaziji ili Srednjoj stručnoj školi, ne pokazuju znanje koje bi trebalo da imaju, s obzirom na to da su tokom devetogodišnjeg školovanja imali odličan ili vrlo dobar uspjeh u školama iz kojih dolaze.
Sa druge strane, zanemarljiv je broj učenika koji u srednjoj školi postižu bolji uspjeh u odnosu na osnovnu školu.
Posebno su primjetne oscilacije među učenicima koji su srednju školu upisali kao nosioci diplome “Luča”, jer manji broj potvrđuje svoje znanje iz ranijeg školovanja.
U analizi uspjeha učenika prvih razreda na kraju prošle školske godine u Gimnaziji „Tanasije Pejatović“ u Pljevljima, primjetne su velike oscilacije u uspjehu učenika na kraju osnovne i prvog razreda srednje škole.
Sa druge strane, zanemarljiv je broj učenika koji u srednjoj školi postižu bolji uspjeh u odnosu na osnovnu školu.
Od 80 učenika uspisanih sa odličnim uspjehom, na kraju prvog razreda Gimnazije taj uspjeh je zadržalo njih 48, dok ih je 30 bilo sa vrlo dobrim uspjehom, jedno sa dobrim, a jedan učenik nije ocijenjen.
Od 73 učenika koji su upisani sa vrlo dobrim uspjehom, jedna učenica je u srednjoj školi popravila uspjeh ostvarivši odličan, dok je njih 43 pokazalo isto znanje, 28 je prešlo sa dobrim, a jedan učenik dovoljnim uspjehom.
Mnogi zadrže luču iz osnovne
Pregledom statističkih podataka primjetno je da su najmanje oscilacije među odlikašima koji dolaze iz Osnovne škole „Ristan Pavlović“.
Od 30 učenika te škole koji su odličnim uspjehom završili osnovno školovanje njih troje nije zadržalo odličan uspjeh. Od 14 lučonoša samo je njih devet iz te škole zadržalo tu diplomu i na kraju prvog razreda Gimnazije.
Od 15 nosilaca diplome “Luča” iz ove škole, samo je njih četvoro bilo sa svim peticama na kraju prvog razreda Gimnazije.
Od 15 nosilaca diplome “Luča” iz ove škole, samo je njih četvoro bilo sa svim peticama na kraju prvog razreda Gimnazije.
Nešto manje oscilacije evidentne su i među učenicima iz Osnovne škole “Boško Buha”, gdje je od njih osmoro, šest učenika zadržalo odličan uspjeh u prvom razredu srednje škole.
Karakteristično za ovu obrazovnu ustanovu je da njihove lučonoše i u srednjoj školi većinom zadržavaju tu diplomu.
Sve troje učenika te škole zadržalo je diplomu “Luča” i nakon prvog razreda Gimnazije. Isto je bilo i prethodne godine.
Iz seoskih škola u Gimnaziju se upisalo 12 učenika sa odličnim uspjehom, a na kraju školske 2010/11. godine ovaj uspjeh su sačuvala četiri učenika. Učenik koji je Gimnaziju upisao sa diplomom “Luča” prvi razred je završio ostvarivši vrlo dobar uspjeh.
Slabiji uspjeh i zbog nesnalaženja
I u Srednjoj stručnoj školi kažu da su i u toj obrazovnoj ustanovi velike oscilacije u uspjehu učenika, koji kod njih dolaze kao odlični ili vrlo dobri iz osnovne škole.
Kao jedan od razloga slabijeg uspjeha, smatraju u SSŠ, osim neadekvatnog vrednovanja u školama može biti i nesnalaženje jednog broja učenika, kojima se čini da je srednja škola zahtjevnija i izazovnija od osnovne.
Stručnjaci kažu da je vrednovanje i ocjenjivanje učeničkih znanja najsloženiji i najosjetljiviji zadatak u vaspitno-obrazovnom procesu, te da treba procijeniti cjelokupnu ličnost učenika, a ne samo njegovo znanje.
Bonus video:
