Rusi prevarili CG državnike: Đukanović i Marković mislili da pričaju sa Porošenkom i Grojsmanom - Vijesti.me
NA METI PRANKERA

Rusi prevarili CG državnike: Đukanović i Marković mislili da pričaju sa Porošenkom i Grojsmanom

Leksus i Vovan su poznati po tome što zovu visoke državnike širom svijeta i predstavljaju se kao njihove kolege

Milo Đukanović, Duško Marković
Milo Đukanović, Duško Marković

Premijer Duško Marković i njegov partijski šef Milo Đukanović bili su na meti čuvenih ruskih prankera Leksusa i Vovana.

Leksus i Vovan su poznati po tome što zovu visoke državnike širom svijeta i predstavljaju se kao njihove kolege, pa su tako njihove žrtve bile i turski predsjednik Redžep Erdogan, američki senator Džon Mekejn...

Oni su se Markoviću i Đukanoviću predstavili kao predsjednik Ukrajine Petar Porošenko i premijer ove zemlje Vladimir Grojsman.

Đukanović je u razgovoru obećao da će pomoći da riješi problem sa fabrikom čokolade, a Marković je najviše vremena posvetio pitanju ulaska u NATO.

„Naš predsjednik je iznio optužbe protiv lidera pokreta anti-NATO, i kod nas će se voditi veoma ozbiljan proces o tome. Mi ćemo učiniti da više niko ne bude imao mogućnosti da bilo šta protiv interesa Crne Gore, protiv svoje države,“ kazao je Marković.

Đukanović, kojeg je pranker kontaktirao nekoliko dana kasnije kazao je u razgovoru sa „Grojsmanom“  o problemu "pro-ruske opozicije.“

„Postoje razlike u crnogorskom društvu. Opozicija aktivno želi da ne bude dio EU, našim odnosima zasnovanim na prijateljstvu sa Rusijom“, rekao je lider DPS.

Ovdje možete poslušati čitave razgovore prankera sa Markovićem i Đukanovićem.