Evropska komisija (EMA) odobrila je stavljanje u promet lijeka palbocikliba, kao inovativne terapije za uznapredovali, metastatski rak dojke, budući da su klinička ispitivanja pokazala da lijek znatno produžuje život žena koje se bore s tim najtežim oblikom raka dojke.
Metastatski rak dojke najteži je stadijum bolesti kada se rak proširio na ostale organe te je kao takav neizlječiv, a razvije se kod približno jedne trećine žena kojima je dijagnostifikovan rani rak dojke i koje su primale standardnu terapiju.
Terapija palbociklibom tako postaje dostupna ženama u Evropi.
Američka Uprava za hranu i lekove (FDA) odobrila je lijek, koji je razvila kompanija Pfizer, u februaru 2015. te je u SAD-u dosad primijenjen u liječenju više od 18.000 žena s metastatskim karcinomom dojke, prenosi N1.
S obzirom da je ukupno preživljenje bolesnica s uznapredovalim rakom dojke od 2 do 4 godine, palbociklib predstavlja veliki napredak u liječenju, jer deluje tako da ponovno uspostavlja kontrolu nad staničnim ciklusom i blokira rast ćelija tumora, odlažući progresiju bolesti.
Nova terapija, pokazale su kliničke studije, u kombinaciji s drugom endokrinom terapijom udvostručuje vrijeme preživljenja bez napredovanja bolesti kod žena sa HR+/HER2- metastatskim rakom dojke, održavajući pritom dobar kvalitet njihovog života.
Uprkos postignutom značajnom napretku u liječenju raka dojke, koji je doveo do ranijeg otkrivanja bolesti i razvoja efikasnijih terapija, rak dojke ni izbliza nije poražen, a posebno se to odnosi na liječenje metastatskog raka, za koji je potrebno više ljekova koji će spriječiti pogoršanje bolesti, ublažili simptome i produžili kvalitet života što je više moguće, ocijenili su stručnjaci okupljeni na skupu o liječenju metastatskog raka dojke krajem prošle nedelje u Pragu.
Bonus video:
