ŠKAKLJIVA UMJETNOST

Kulturna jesen u znaku seksa

Slike i skulpture idealnog para, boga Šive i boginje Parvati, scene porođaja, kao i erotski reljefi, koji se često mogu vidjeti na drevnim hramovima, izloženi su zajedno sa pobožnim predmetima, kao što je falusni lingam
1 komentar(a)
izložba, Pariz
izložba, Pariz
Ažurirano: 29.10.2014. 06:39h

Nakon postavke posvećene majstoru razvrata, Markizu de Sadu, koja je svojom provokativnom reklamom šokirala javnost, kao i postavljanja ogromne skulpture Amerikanca Pola Mekartija, koja je mnoge Parižane podsjetila na džinovsku seksualnu igračku, u francuskoj prijestonici je priređena još jedna “škakljiva” izložba.

Nova izložba bavi se Kama-Sutrom, indijskim priručnikom za uživanje, koji se na Zapadu doživljava kao egzotični “bedeker” koji čitaoce vodi kroz seksualno uživanje. Postavka, koja je otvorena u Parizu, ima za cilj da ispravi tu pogrešnu predstavu. Čuveni indijski tekst, koji je na sanskritu u IV vijeku napisao mudrac Vatsjajana, prvi put je prikazan kroz izložbu 350 skulptura, slika i svakodnevnih predmeta.

“Naša namjera je da pokažemo da to nije mala prljava knjiga, da to nije (samo) knjiga o seksualnim pozama”, objasnila je za AFP, organizatorka izložbe Alka Pande. “Voljela bih da posjetioci u njoj vide knjigu života, knjigu zadovoljstva, knjigu koja slavi sve tanane nijanse života u velikom stilu i estetici”, navela je ona. Izložba “nije samo o erotici, senzualnosti, već i o zadovoljstvu, muzici, plesu, umijeću življenja”, istakla je Pande.

Naime, poznatija, erotska strana Kama Sutre predstavlja samo jednu od sedam knjiga zbirke, među kojima su “Meditacije”, “Ponašanje supruge”, “Afrodizijak” i “Zavodenje tuđih žena”. Kama-Sutra istražuje treći od četiri stuba hinduizma koji se odnose na različite etape života. Nakon spoznaje morala i etike i ostvarenja na profesionalnom planu, pojedinac može da se fokusira na Kamu, tj. žudnju, kako za seksom tako i za zadovoljstvom koje crpimo iz umjetnosti, muzike i uživanja u životu.

Izložba vodi posjetioce na putovanje kroz 36 poglavlja priručnika koji se bavi raznim segmentima društva, podstičući čitaoca da ovlada raznim umijećima, od namještanja kreveta, preko zavođenja tuđe supruge do umjetnosti ratovanja. Slike i skulpture idealnog para, boga Šive i boginje Parvati, scene porođaja, kao i erotski reljefi, koji se često mogu vidjeti na drevnim hramovima, izloženi su zajedno sa pobožnim predmetima, kao što je falusni lingam.

Pande je objasnila da je u tradicionalnoj Indiji, seksualnost bila način da se spozna svijet.