17.08.2014. 06:55h
Ažurirano: 17.08.2014. 06:55h
Gzim Emini (27) iz Vučitrna sa Kosova utopio se prije dvije noći u akvatoriju Male plaže u Ulcinju. Njegovo beživotno tijelo, juče oko 7.30 sati, pronašli su ribari u lučici Kacema ispod Starog grada.
Prema nezvaničnim informacijama, tužilac je tražio obdukciju kako bi se utvrdio pravi uzrok utapanja. Spasilac na Maloj plaži Anto Dočić kazao je “Vijestima” da su prije dva dana, kada je nestao Emini, bili veliki talasi, čak i do tri metra ali da nije bilo alarmantno.
“Bili smo tu, dok nije otišao i posljednji kupač”, kazao je Dočić.
Dodao je da je Emini nađen samo u šortsu.
“Nezahvalno je govoriti gdje se i kako utopio mladić. Kod nas dok smo bili tu nije sigurno. Tragedija u svakom slučaju”, kazao je Dočić.
Bonus video:
