Kineski disident

Aj Vejvej: Umjetnik koji nije vidio nijednu svoju izložbu

U Berlinu se ovih dana otvara njegova do sada najveća izložba, ali on neće moći da doputuje
66 pregleda 1 komentar(a)
Ai Weiwei, Foto: Reuters
Ai Weiwei, Foto: Reuters
Ažurirano: 02.04.2014. 09:59h

U Kini ga nazivaju izdajicom, pornografom i kriminalcem.

Na zapadu je Aj Vejvej popularan kao malo koji drugi umjetnik. U Berlinu se ovih dana otvara njegova do sada najveća izložba, ali on neće moći da doputuje.

Nedjelju dana prije otvaranja, u izložbenim prostorijama u “Martin-Gropius Bau”, vlada gotovo stoički mir. Tačno 6000 drvenih stolica postavljaju se polako i vrlo precizno u prostor baš kao i mermerne ploče teške i do nekoliko tona. Nigdje se ne osjeća nervoza a ni užurbanost, iako su radovi kineskog umjetnika u Berlin, zbog loših vremenskih uslova, brodom stigli s nedjeljom dana zakašnjenja.

Garang, 39-godišnji saradnik Vejveja sa još nekoliko pomoćnika, postavlja izložbu bez umjetnika. U pitanju je o do sada najveća izložba Aj Vejveja ikada održana.

“Riječ je o 23 velike prostorne instalacije, skulpture od kojih je više od polovine kreirano za ovaj berlinski prostor. Aj Vejvej nam je dao jasne planove i mi ih se pridržavamo. Uveče fotografišemo ono što smo postavili i šaljemo mu putem mejla na uvid. Zavisno od njegovih želja, sljedećeg dana unosimo promjene“, kaže Garand. Ovakav način postavljanja izložbe je vrlo neuobičajen, ali u ovom slučaju jedini mogući jer Aj Vejvej ne može da napusti Kinu - vlasti su mu oduzele pasoš i već godinama odbijaju da mu ga vrate. Tačnije, od 2011. godine, kada je posljednji put uhapšen i na tri mjeseca odveden u tajni zatvor.

Razlog koji su vlasti tada navele bila je navodna utaja poreza. Iako ne smije da napusti Kinu, Aj Vejvej je aktivan i dalje.

Na svom blogu redovno piše i traži, ofanzivnije nego ikada, uvođenje slobode govora, štampe i mišljenja u Kini.

“Zato i ne čudi što je vladi u Pekingu trn u oku. Ne smije da izlaže svoje radove, a zabranjeno mu je i javno iznošenje mišljenja. Sve što objavi, vlasti odmah blokiraju, brišu, cenzurišu. U njegovom ateljeu nalazi se desetak video kamera. Svako ko uđe u taj prostor, snimljen je”, navodi Gereon Sivernič, direktor “Martin-Gropius Bau” u Berlinu koji je kineskog umjetnika u više navrata posjetio u Pekingu.

Preporučujemo za Vas