OČEKIVANA ODLUKA

Otpušten selektor hokejaša Rusije Biljaletdinov

Ruska hokejaška federacija otpustila je danas selektora hokejaške reprezentacije Zinetula Biljaletdinova, nezadovoljna eliminacijom tima u četvrtfinalu Zimskih olimpijskih igara.
55 pregleda 0 komentar(a)
hokej Rusija - Finska, Foto: Reuters
hokej Rusija - Finska, Foto: Reuters
Ažurirano: 28.03.2019. 08:35h

Nakon razočaranja u Sočiju, to je bilo očekivano - Ruska hokejaška federacija otpustila je danas selektora hokejaške reprezentacije Zinetula Biljaletdinova, nezadovoljna eliminacijom tima u četvrtfinalu Zimskih olimpijskih igara.

"Izvršni komitet je odlučio da se zahvali dosadašnjem selektoru, ali time nas zadatak nije završen. Predstoje pregovori oko novog selektora". rekao je predsjednik hokejaške federacije Rusije Vladislav Tretjak, legendarni golman iz sovjetske ere.

Rusija, za koju su u Sočiju igrale NHL zvijezde kao što je Aleks Ovečkin, pretrpjela je poraz u četvrtfinalu Igara od Finske sa 3:1.

Rusija se nadala zlatu u hokeju na Igrama i zato im je ovaj neuspjeh bio veliko razočarenje, iako je domaćin na kraju završio takmičenje kao najuspješnija nacija sa 13 osvojenih zlatnih medalja.