Italijan Mario Mat pobjednik je drugog slaloma sezone koji je za Svjetski kup alpskih skijaša vožen danas u francuskom Valdizeru /Val d'Isere/.
On je bio vodeći i nakon prve vožnje, a do prve pobjede nakon više od dvije i po godine došao je u vremenu minut, 44 sekunde i 59 sekundi.
Mat je posljednji put u Svjetskom kupu pobijedio početkom marta 2011. godine u Kranjskoj Gori.
Italijan je u Valdizeru ostvario 15. pobjedu u Svjetskom kupu, od kojih je 14 ostvario u slalomu.
Ima i pobjedu u superkombinaciji početkom 2007. godine u Vengenu.
Mat je 53 stotinke bio brži od drugoplasiranog Šveđanina Matijasa Hargrina, dok je Italijan Patrik Taler za 78 stotinki imao slabije vrijeme od pobjednika.
Na četvrtom mjestu završio je Francuz Žan-Baptist Granž, peti je bio Šveđanin Markus Larson, a šesti njegov sunarodnik Andre Mirer.
Pobjednik prvog slaloma sezone, Marsel Hiršer, koji je juče trijumfovao u veleslalomu, odustao je u prvoj vožnji.
Mat je trijumfom u Valdizeru preuezo prvo mjesto u plasmanu slaloma sa 180 bodova.
Hargrin je drugi sa 125, dok su po 100 osvojili Hiršer i Taler.
U generalnom plasmanu Svjetskog kupa čelnu poziciju zauzima Norvežanin Aksel Lund Svindal sa 360 bodova.
Hiršer je drugi sa 335, a treći Ligeti sa 269 bodova.
Bonus video:
