Svima nam se dogodilo barem nekada da zanemarimo savjete kako da na najbolji način zaštitimo kožu od sunca i onda uveče počnemo da osjećamo zatezanje kože i peckanje i izgledamo kao svježe kuvani rak.
U takvoj situaciji najbolje je okrenuti se prirodi i ljekovitim sastojcima kojih ima u izobilju oko nas, a dobar dio njih naći ćete odmah u kuhinji.
Za početak, maslinovo ulje uvijek je odličan izbor, a ako pri ruci imate i lavandinog, tim bolje.
Visok procenat nezasićenih masti i vitamina A i E u maslinovom ulju regenerisaće vašu kožu, a lavandino ulje koristite u osnovnom obliku, jer je već par kapi na koži dovoljno da se smiri iritacija.
Ako imate lubenicu i krastavce u frižideru, napravite sok od istih. Lubenica je puna antioksidansa, beta karotena i vitamina C i B6 koji će ublažiti opekotine, a krastavce možete i nasjeći na kolutove i staviti na kožu. Vitamini A, B i C iz krastavca brzo će ublažiti upalu, a voda koje ima više od 90 posto navlažiće sasušenu kožu.
Opekotine se mogu mazati i kantarionovim uljem ili gelom od aloe vere, a vrlo su djelotvorne i obloge od kamilice.
Galerija
Bonus video:
