budite šik!

Dotjerivanje u posljednji čas: Zablistajte uz nekoliko trikova

Nokti će za tren oka izgledati zdravo i njegovano ako na njih i na zanoktice poslije skidanja laka utrljate balsam za usne
0 komentar(a)
Ažurirano: 26.12.2012. 14:25h

Iako tokom prazničnih dana živimo u petoj brzini, šminkeri i frizeri poručuju da uz pomoć brzopoteznih trikova u trenu možete da izgledate glamurozno i šik.

Nježna koža

Dok se tuširate prije izlaska, možete da uštedite vrijeme koje inače trošite utrljavajući losion za tijelo i čekajući da ga koža upije. Trik je u tome da, dok ste pod tušem, na cijelo tijelo od glave do pete umasirate regenerator za kosu. On će podjednako moćno nahraniti kožu. Pošto ga isperete, nježno osušite kožu peškirom.

Masna ili beživotna kosa

Ako vam je tjeme masno ili ste pretjerali s preparatima za oblikovanje kose, pa ona izgleda beživotno i teško, a nemate vremena da je operete, na korijen kose nanesite puder sa svjetlucavim česticama. Puder će za sebe vezati ostatke preparata i masnoću. Potom dobro iščetkajte kosu i ona će za tren oka ponovo biti lepršava i bujna.

Nova/stara dnevna šnimka

Ako nemate vremena da se ponovno našminkate prije izlaska, višak masnoće s lica skinite peškirićem. U bočicu s pumpicom ulijte malo tonika za lice pa ga raspršite po koži. Ostavite da upije, osušite maramicom i nanesite novi sloj pudera u prahu.

Nokti vole balsam

Nokti će za tren oka izgledati zdravo i njegovano ako na njih i na zanoktice poslije skidanja laka utrljate balsam za usne ili gust losion. Ne zaboravite da prije toga očistite područje ispod noktiju limunovim sokom.

Trik za bujnu kosu

Navlažite dlanove, uzmite malo losiona za tijelo i provucite prste kroz kosu. Skupite je i zamotajte u bananu. Pričekajte deset minuta i raspustite - kosa će biti bujna i poslušna.

Uz potez četkom do svježeg izgleda

Kako dan posle lude noći lice ne bi izgledao beživotno, oko unutrašnjih uglova očiju, uz liniju nosa i ispod donjega kapka nanesite korektor i potom, kružeći četkom, malo bronzera na obraze.

Preporučujemo za Vas