Gornja Brezna

Izgorio motel eko sela “Meadows”

Sve je izgorjelo. Vatrogasci iz Plužina su stigli odmah po pozivu a za njima i vatrogasci iz Nikšića. Nije se imalo šta spasiti”, kazao je jedan od vlasnika eko sela Goran Blagojević
106 pregleda 5 komentar(a)
eko selo Medows, Foto: Ivan Petrušić
eko selo Medows, Foto: Ivan Petrušić
Ažurirano: 27.03.2019. 19:34h

Restoran eko selo “Meadows” (“Dolina”), koje se nalazi u Gornjim Breznima u Pivi, izgorio je nešto poslije ponoći.

“Bilo je ogromno nevrijeme. Još sam u šoku šta se dogodilo. Ne znam gdje se nalazim. Probudili su me da mi kažu šta se dogodilo. Izgorio je kompletan motel, koji je bio od drveta i kamena a bungalovi su ostali. Sve je izgorjelo. Vatrogasci iz Plužina su stigli odmah po pozivu a za njima i vatrogasci iz Nikšića. Nije se imalo šta spasiti”, kazao je jedan od vlasnika eko sela Goran Blagojević.

Eko selo, drugo u Breznima, otvoreno je u junu 2011. a izgradila ga je firma “Monte village” koja je u vlasništvu Blagojevića i londonskog biznismena Alabuša Kolina Dereka.

Motel je imao tri sobe i restoran od 200 mjesta.