Živjeti sa strancem

Stvari koje muškarci ne znaju o svojim suprugama

2 komentar(a)
veze, Foto: Www.shutterstock.com
veze, Foto: Www.shutterstock.com
Ažurirano: 27.03.2019. 19:33h

Čini se da žene znaju puno više, ako ne i sve, o svojim partnerima, nego što oni znaju o njima.

A to su priznali i sami muškarci u jednom američkom istraživanju: čak 39 % muškaraca ne zna koju veličinu brushaltera nosi njihova supruga, 34 % ne zna koji joj je omiljeni parfem, 24 % je priznalo da ne zna njenu omiljenu marku, 23 % ne zna njen konfekcijski broj, a 12 % “ne može da se sjeti” ni datuma rođenja, pokazala je najnovija studija.

Jedanaest odsto muškaraca ne zna koja je partnerkina prirodna boja kose, a 10 odsto ne zna da ponovi naziv posla kojim se bave njihove supruge.

Vjerovatno niste ni znali da čak 40 % parova raskida upravo zbog toga što muškarci nisu o svojim partnerkama znali osnovne stvari, a kamoli nešto o njihovoj prošlosti.

Čak 28 odsto priznalo je da ne zna u koju je školu išla njihova partnerka, 20 % ih ne zna ime njene najbolje prijateljice, a trećina ispitanih muškaraca priznala je da se ne može sjetiti dana kada su upoznali svoju partnerku.

“Može da se razumije da muškarci ne znaju broj mobilnog svojih partnerki napamet, ali činjenica da ne znaju koji parfem koristi pomalo je tužna. Božićni pokloni često rastuže žene jer imaju osjećaj da su u vezi sa strancem, a ne s čovjekom koji ih poznaje”, kazala je marketinška menadžerka Gemma Mason.