„Povremeni konkursi“

Džoan Rouling piše i za odrasle

Roulingova ne očekuje uspjeh kakav je imala sa knjigama o Hariju Poteru, ali je uvjerena da neće razočarati čitaoce
0 komentar(a)
Ažurirano: 15.07.2012. 10:38h

Novi roman Džoan Rouling „Povremeni konkursi“ koji se sa nestrpljenjem očekivao i kojim slavna britanska spisateljica nastavlja svoje djelo i poslije „Harija Potera“ izlazi 27. septembra u više zemalja istovremeno.

Književnica je preko svog agenta uputila poruku čitaocima:

“Iako sam izuzetno uživala u svakom trenutku pisanja knjiga o Hariju Poteru, a moja nova knjiga biće sasvim drugačija od ovog serijala.”

Na četiri stotine stranica, u romanu obojenom crnim humorom, Roulingova opisuje svijet potpuno različit od svijeta njenog slavnog čarobnjaka, smjestivši radnju u izmišljeni gradić Pegford, gdje iznenadna smrt paroha Barija Fervedera stvara razdor.

Roulingova ne očekuje uspjeh kakav je imala sa knjigama o Hariju Poteru, ali je uvjerena da neće razočarati čitaoce

Pegford je, naizgled, idilično englesko mjestašce s pijačnim trgom popločanim kamenom kockom i s drevnom opatijom, ali ispod privlačne fasade krije se varoš u kojoj imućni ratuju sa siromašnima, mladi s roditeljima, žene s muževima, nastavnici s učenicima...

Kada Ferveder neočekivano umre u ranim četrdesetim, cijelo mjesto je u šoku. Prazno mjesto koje je Bari ostavio u parohijskom vijeću uskoro će izazvati najveći rat koji je grad doživio, a ko će trijumfovati na izborima obilježenim ostrašćenošću, licemerjem i neočekivanim saznanjima otkriće budući čitaoci...

Roulingova ne očekuje uspjeh kakav je imala sa knjigama o Hariju Poteru koje su prodate u više od 450 miliona primeraka širom svijeta, u preko 200 zemalja i pretočene u osam izuzetno gledanih filmova, ali je uvjerena da neće razočarati čitaoce.

„Povremeni konkursi“ istovremeno će izaći u Americi, Engleskoj, Njemačkoj i Francuskoj. Po mišljenju britanskih kritičara, ovaj roman je vjerovatno najneočekivanija knjiga godine.

Knjižari se nadaju da će spisateljica i u ovoj komediji o životu u britanskoj provinciji opravdati očekivanja čitalaca.

Popularnost koju je stekla sa serijalom o Hariju Poteru Roulingovoj je donijela bogatstvo od 600 miliona funti.

Galerija

Preporučujemo za Vas